Kinilala ni Inspector Eduardo Paningbatan, hepe ng CID ng Taguig Police na sina Ma. Luz Malipolmali, 40 at Marieza Licayan, 28, dalaga 2nd year college sa TUP. Ang dalawa ay kapwa tadtad ng tama ng bala ng baril sa kanilang mukha at katawan.
Kaagad namang tumakas ang hindi pa nakikilalang mga suspect matapos ang isinagawang krimen.
Base sa imbestigasyon ni PO3 Alain Sigua, ng Taguig police CID naganap ang insidente dakong alas-2 ng hapon sa panulukan ng Guevarra at A. Reyes Sts. sa Barangay Lower, Bicutan sa bayang ito.
Nabatid na naglalakad umano ang dalawang biktima nang biglang sumulpot mula sa kanilang likuran ang dalawang armadong kalalakihan at walang sabi-sabing pinagbabaril ang mga biktima na naging dahilan ng kanilang kamatayan.
Isa sa sinisiyasat ng pulisya ang anggulong onsehan sa droga matapos na makuha sa mga ito ang tig-isang plastic sachet ng shabu na nakalagay sa suot na shorts ng mga ito.
Patuloy naman ang isinasagawang imbestigasyon ukol dito.(Ulat ni Lordeth Bonilla)