PNP kinalampag uli ng Malacañang

Muling kinalampag ng Malacañang ang pamunuan ng PNP kasabay ng pagsasabing hindi sila dapat mag-relaks at kinakailangang dagdagan ang pagiging alerto laban sa muling pagsalakay ng mga kidnapper.

Ito ang naging reaksyon ng Palasyo matapos na mapaulat ang panibagong pagkidnap sa kambal na Chinese sa Coastal Road ng Parañaque, kamakalawa.

Sinabi ni Press Secretary Ignacio Bunye na hindi lamang doble kundi dapat triplehin pa ng PNP ang kanilang pagtatrabaho upang durugin ang mga kidnapper.

Magugunitang ang mga huling biktima ng pagdukot ay ang kambal na sina Welvin at Ason Tai, 17, mga anak ng may-ari ng zipper factory. (Ulat ni Ely Saludar)