Patay na nang idating sa Jose Reyes Memorial Center ang biktimang nakilalang si William Quan Chua, 40, ng Miller St., San Francisco del Monte, Quezon City.
Ayon sa inisyal na ulat ng pulisya naganap ang insidente dakong alas-8 ng gabi habang ang biktima ay papasakay na sa kanyang sasakyang Space Gear Van na may plakang WAX-967 galing sa J. Q-Mart na kanyang pag-aari.
Bigla na lamang itong nilapitan ng apat na hindi nakikilalang kalalakihan na pawang armado ng mga baril. Agad na pinaputukan ng mga suspect ang biktima at nang makitang humandusay ito ay mabilis na pinagkukuha ng mga ito ang kagamitan ng biktima, kabilang ang gold bracelets, relos at attache case na hindi alam kung magkanong pera ang laman.
Matapos makuha ang pakay ay mabilis ng nagsitakas ang mga suspect.
Isang masusing imbestigasyon pa ang isinasagawa ng pulisya ukol dito. (Ulat ni Grace dela Cruz)