Metro Manila niyanig ng lindol

Niyanig ng lindol ang ilang lugar sa Metro Manila at ilang lalawigan, kamakalawa ng gabi.

Ayon sa Phivolcs, ang lindol ay nag-ugat sa paggalaw ng Lubang fault at ang sentro nito ay namataan sa may 33 km. ng Mamburao Occidental Mindoro.

Ang origin ng lindol ay tectonic na may magnitude na 5.7 sa richter scale.

Naramdaman ang lindol sa lakas na intensity 5 sa white beach ng Puerto Galera; Balatera Galera, Calapan Oriental Mindoro at Batangas City.

Samantalang intensity 3 naman sa Maynila, Taguig at Pateros; intensity 2 sa Quezon City at Makati City at intensity 1 sa Ubando at Malolos, Bulacan. (Ulat ni Angie dela Cruz)