Accreditation sa mga drug testing centers itinigil ng LTO

Pinatigil ng Land Transportation Office (LTO) ang pagkakaloob ng bagong accreditation permits para sa lahat ng mga drug testing companies na nagbibigay ng drug test sa mga motoristang kukuha ng drivers license.

Ang hakbanging ito ay ginawa ni LTO Chief Roberto Lastimoso bilang tugon sa sulat ni Health Undersecretary Antonio Lopez dahil sa implementasyon ng Republic Act 9165 o Comprehensive Dangerous Drug Act of 2002.

Ang kahilingang ito ng Department of Health (DOH) ay para sila na ang mamahala at mag-isyu ng drug test results sa mga drivers license applicant sa buong bansa dahil sa umiiral na batas. (Ulat ni Angie dela Cruz)