60 kabahayan natupok sa sunog

Tinatayang mahigit sa isang milyong pisong mga ari-arian ang natupok ng apoy matapos masunog ang may 60 kabahayan sa squatter area na tumagal sa mahigit sa limang oras, kahapon sa Muntinlupa.

Ayon kay SFO3 Renato Santiago, nagsimula ang sunog dakong alas- 11:35 kamakalawa ng gabi sa isang shanty sa Sitio Masagana, Alabang Town Center.

Pinaniniwalaang faulty electrical wiring ang pinagmulan ng sunog na mabilis na kumalat sa kalapit kabahayan.

Tumagal ang sunog ng mahigit sa limang oras.

Naapula ang apoy dakong alas-5 ng madaling araw. (Ulat ni Lordeth Bonilla)