3 tiklo sa pekeng US dollar

Nabuwag ng pinagsanib na puwersa ng NBI at Bangko Sentral ng Pilipinas ang isang sindikatong pinaniniwalaang nagkakalat ng mga pekeng bilyun-bilyong U.S dollar kasabay nang pag-aresto sa umano’y lider at dalawang galamay nito sa isinagawang operasyon kahapon.

Ayon kay NBI director Reynaldo Wycoco ang operasyon ay nagresulta rin sa pagkasamsam sa maraming pekeng US dollar.

Nakilala ang mga nadakip na suspect na sina Rustico Cabillar, 45,; Marnelli Pepino, 22 at Jose Rogando, 43, sinasabing lider ng grupo.

Base sa imbestigasyon, ang tatlo ay dinakip sa isinagawang magkakahiwalay na operasyon.

Nakuha mula sa mga suspect ang may ilang libong pekeng US$ 100 bills, ilan pang printing equipment at printing paraphernalias.

Sa kasalukuyan ang mga nadakip ay nakapiit sa NBI detention cell at nakatakdang sampahan ng kaukulang kaso. (Ulat ni Grace dela Cruz)