2 lalaki 'sinalvage' sa QC

Dalawang lalaki na pinaniniwalaang biktima ng salvage ang natagpuan kahapon ng madaling araw sa Quezon City na kapwa tadtad ng tama ng bala ng baril sa kanilang mga katawan.

Isa pa lamang sa dalawang nasawi ang nakilala, ito ay si Henry Garcia na residente ng Block 9 Lot 42 Mabuhay Homes, Dasmariñas, Cavite.

Sa inisyal na imbestigasyon ng pulisya, dakong alas-5 ng madaling araw ng matagpuan ang bangkay ng mga biktima sa may gilid ng Mindanao Avenue Extension corner Regalado Avenue, Fairview sa nabanggit na lungsod.

Nakuha sa lugar na nakitaan sa mga biktima ang limang basyo ng kalibre .45 baril.

Patuloy na inaalam ng pulisya ang motibo sa isinagawang pagpaslang. (Ulat ni Angie dela Cruz)