Tatlong saksak sa katawan ang ikinamatay ng biktimang si Fernando Angeles, 55, ng Varona St., Tondo Maynila.
Mabilis namang tumakas ang suspect na kapatid nito na nakilalang si Cesar, 50, matapos ang isinagawang krimen.
Naganap ang insidente dakong ala-1 ng madaling araw sa bahay ng biktima, gagamitin sana ng nakakabatang Angeles ang gas stove ngunit mahigpit itong pinagbawalan ng biktima kung saan ay nagkaroon sila ng mainitang pagtatalo na nauwi sa pagsusuntukan ng dalawa.
Habang nagpapambuno ang dalawa ay nagawang makadampot ng patalim ng suspect at inundayan ng saksak ang kapatid nito.
Matapos ang insidente mabilis na tumakas ang suspect. (Ellen Fernando)