Petisyon sa Manotok land pinaboran ng OSG

Kinatigan kahapon ng tanggapan ng Solicitor General ang mga petitioners sa Manotok Land Case sa Gagalangin, Tondo Manila, sa pangunguna ni Rene T. Tichangco (Reporter PBS Radyo ng Bayan) sa posisyon nito na ang inihaing petisyon sa Mataas na Hukuman ay certiorari sa ilalim ng Rules 65 ng Rules on Civil Procedure na kadahilanan para hindi madismis at matalo ang kaso.

Ayon kay Atty. Reynaldo Aralar, abogado ng mga petitioners na napakahalaga na ang naging posisyon ng OSG dahil ang kasong ito ay kinasasangkutan ng ‘‘lack of juris- diction of the land registration courts which orders the issuance of the decrees of registration for Original Certificate of Titles 820 and 7477."

Sa mosyon sa Mataas na Hukuman, hiniling ng mga petitioners, kabilang si Armando Mabahague ng Nagkakaisang Damdamin sa Sunog Apog sa OSG na ihayag ang kanilang posisyon sa land case para makatulong ito sa pagresolba sa kaso na magbibigay benepisyu sa mahigit na 12 libong pamilya sa oras na manalo sa hukuman.