Sa isang resolusyon, hiniling ni Konsehal Lou Veloso (6th District) ang pagtatakda sa ikaapat na Linggo ng kada taon bilang "Phil-China Traditional Cultural Festival Day".
Ito ay kaugnay ng taunang pagdiriwang ng Chinese New Year at Spring Lantern Festival.
Inaasahan umano na sa pamamagitan ng naturang okasyon, magkakaroon ng pagkakataon ang mga mag-aaral mula sa mga pampublikong paaralan ng Maynila at iba’t ibang Chinese-speaking schools na magkaroon ng sama-samang aktibidad gaya ng paggawa ng mga lanterns at floats na maaaring magamit sa motorcade parade.
Ang resolusyon ay bilang tugon sa liham ng Manila Tourism and Cultural Affairs Bureau na humihiling sa konseho na gumawa ng hakbang ukol sa mungkahi ni Josepy Sy, president, Filipino-Chinese Youth Educational Center and Chamber of the Philippines-Chinese Science, Technology, Economy and Trade Promotions, Inc. na magdeklara nga ng isang araw upang ipagdiwang ang nasabing okasyon. (Ulat ni Andi Garcia)