Magbiyenan tiklo sa shabu

Inaresto ng pulisya ang isang magbiyenan nang maaktuhan ang mga ito na nagbebenta ng ipinagbabawal na gamot sa isang buy bust operation kamakalawa sa Malabon City.

Ang mga suspek ay nakilalang sina Evelyn Navarro, 43, at ang manugang nitong si Marilyn Navarro, 33, kapwa residente ng Adante st., Brgy. Tañong.

Ayon kay PO2 Joel Fernandez, dakong alas-4 ng hapon nang arestuhin ang mga suspek sa loob ng kanilang bahay nang bentahan nito ng shabu ang isang kagawad ng pulisya na nagpanggap na buyer.

Sinabi ng pulisya na matagal nang inirereklamo ng mga residente ang magbiyenan.

Isang linggong surveillance operation ang ginawa ng Drug Enforcement Unit bago isinagawa ang buy bust na ikinaaresto ng magbiyenan. (Ulat ni Gemma Amargo)