Ang nasawi ay nakilalang si Rey del Castillo, 33, may-asawa, ng R&E transportation, residente ng #46 EMS Marulas, Valenzuela City dahil sa mga tinamong saksak sa ibat ibang bahagi ng katawan.
Hindi pa nakikilala ang tatlong suspek na agad tumakas tangay ang alahas at perang kinita ng biktima sa buong magdamag na pamamasada.
Lumalabas sa imbestigasyon ng pulisya na ang biktima ay hinoldap at pinatay sa Marigold St., Vergonville Subd., Brgy. Pulang-lupa.
Pinaniniwalaan na ang tatlong suspek ay sumakay sa taxi ng biktima, may plakang TVZ-506 sa hindi pa mabatid na lugar at nagpahatid sa pinangyarihan ng insidente at dito hinoldap at pinatay ang biktima dakong ala-1:20. (Ulat ni Lordeth Bonilla)