Kinilala ng pulisya ang suspek na si Edwin Eniego, may-asawa, ng Sampaguita st., Bagombong, Caloocan City. Namaga ang mukha nito at katawan sa dami ng suntok at palo na tinamo sa mga galit na galit na istambay ng makita ang ginawa sa biktima na itinago sa pangalang Nene.
Ayon kay PO3 Gil Nino, ng Novaliches police, dakong alas-7 ng umaga ng harangin at lapitan ni Eniego ang biktima sa may tapat ng Benito Store, Quirino Highway ng nasabing lugar papunta sa kanyang eskuwelahan.
Ayon kay Nene, nagulat siya ng lamutakin ng suspek ang maselang bahagi ng kanyang katawan kaya nagsisigaw siya na naging dahilan para makakuha ito ng atensyon sa mga naka-istambay na kalalakihan.
Dahil dito, walang sabi-sabing ginulpi ng mga istambay ang suspek at nang makitang lupaypay ito dinala nila sa presinto si Eniego. (Ulat ni Jhay Mejias)