Magbubulsa ng cash advances kakasuhan

Upang umiral ang transparency sa lahat ng gobyerno isang batas sa kongreso ang isinahapag ni Jesli A. Lapuz, kinatawan ng 3rd dist. ng Tarlac.

Ang House Bill 2566 ay patungkol sa pagbulsa ng opisyal at kawani s ng mga cash advances na siyang karaniwang nagiging dahilan upang magkaroon ng katiwalian sa pamahalaan.

Ayon kay Cong. Lapuz, isang guideline para sa mga public officials at employees ang pagbabalik ng kanilang mga binale depende sa dahilan nito.

Magiging simula ito upang maitaguyod ang transparency at accountability sa public funds.

Mahaharap sa malversation o fraudulent practices in public office ang sinumang lalabag dito.

Hinikayat ng kongresista ang BIR na ituon sa pagkolekta ng mga singiling buwis ang kanilang pansin sa halip na lumikha ng panibagong uri ng buwis.

Sa kahusayan sa pagbalangkas ng mga batas na nauukol sa mahihirap at bayan ay naluklok si Cong. Lapuz bilang pangunahin sa top 30 lawmakers ng taong 2001 ng Makati Graduate School, Berhad Lending Investment at Congress Magazine. Ang pagkakahirang kay Lapuz ay base sa tract record at sa dedikasyon nito sa isinahapag na batas.