Ito ang sinabi ni Dept. of Transportation and Communications (DOTC) Sec. Pantaleon Alvarez kahapon kaugnay ng Luzon-wide power blackout kamakailan na nagpahinto sa mga tren ng MRT at LRT ng ilang oras.
"Pero alam naman natin na ang pagtatayo ng back-up generators para sa MRT at LRT ay medyo matagal-tagal din," ang sabi ni Alvarez.
Ayon sa DOTC chief, maraming paraan upang mapondohan ang pagbili at paggawa ng mga nasabing generators at lahat ng mga paraan na ito’y binubusisi ng ahensya.
Isang proposal naman sa DOTC ang inihain ni MRT-3 general manager Mario Miranda upang mabigyan ng sariling suplay ng kuryente ang MRT di lang para kung magkakaroon ng power outage ang Meralco at Napocor kundi para sa pang-araw-araw na operasyon na rin ng tren.
Sinabi naman ni LRT authority chief Teodoro Cruz Jr. na kahit na walang plano ang LRT na magtayo ng sarili nitong generator, aniya’y pabor silang makisosyo sa kuryente ng sariling generator na itatayo ng MRT.
Idinagdag ni Alvarez na ikinukonsidera ng DOTC ang suhestiyon ni Miranda pati na ang iba pang mga plano. (Ulat ni Danilo Garcia)