High student nag-suicide dahil sa sermon ng ama

Dinamdam ng isang 16-anyos na estudyante ang panenermon ng ama nito sa pagkakasangkot ng una sa mga naganap na holdapan sa kanilang lugar sanhi upang magpasya ito na wakasan ang buhay sa pamamagitan ng pagbibigti kamakalawa ng gabi sa Sta. Cruz, Manila.

Kinilala ni Western Police District-Homicide Section Chief Insp. Johnny Taluban ang biktima na si Alvin Evangelista, high school, ng 1237 Guevarra St., Sta. Cruz.

Bago naganap ang insidente, nabatid na ilang oras na sinermunan ng ama ang biktima at sinumbatan kaugnay sa napapabalitang sangkot ang anak sa sunud-sunod na kaguluhan sa kanilang lugar at ang pinakahuli ay ang partisipasyon umano nito sa naganap na holdapan sa isang grocery sa kanilang lugar. (Ulat ni Ellen Fernando)