Kritikal sa East Avenue Medical Center (EAMC) si Fernando Mago Villaflores, ng Holy Spirit Quezon City makaraang barilin ni Virgilio Alba ng Brgy. Holy Spirit matapos na kagatin ng una ang ilong nito at nagtamo din ng sobrang bugbog sa katawan ay nakakulong ngayon sa CPD-Station 6 sa Batasan Hills.
Ayon kay Supt. Rogelio Quilang, hepe ng CPD-Station 6, naganap ang insidente dakong alas-9 ng gabi nang sugurin ng biktima ang bahay ng suspect kung saan nakatira ang kaaway nitong isang alyas ‘Pablo.’
Nabatid na umaawat lamang ang lolo sa nagwawalang biktima nang mapagbalingan siya na nagresulta sa mainitang pagtatalo.
Humantong sa panggugulpi nang ang sigalot na lalo pang pinaigting nang pangangagat ni Villaflores sa ilong ng matanda.
Dahilan dito ay tuluyan nang napikon at hindi nakapagpigil ang matanda kaya’t binaril ang biktima gamit ang homemade shotgun nito. (Ulat ni Jhay Mejias)