Vendor tinarakan habang natutulog, todas

Hindi na nagising sa mahimbing na pagkatulog ang isang vendor matapos na ito ay sugurin ng saksak ng isang grupo ng kalalakihan sa kanyang tahanan kahapon ng madaling araw sa Makati City.

Dead on arrival sa Ospital ng Makati ang biktima na si Eduardo Canlas,may sapat na gulang ng JP Rizal St. dahil sa mga tinamong saksak sa ibat-ibang bahagi ng katawan ng hindi pa nakikilalang mga suspek.

Batay sa report ng pulisya na dakong alas-12:26 ng madaling araw ay mahimbing na natutulog ang biktima nang sugurin ito ng mga suspek na hinihinalang mga sabog sa pinagbabawal na gamot.

Agad na sunod-sunod na tinarakan ng saksak ng mga hindi pa nakikilalang mga suspek ang biktima sa ibat-ibang bahagi ng katawan.

Pagkatapos na maisagawa ang krimen ay nagsitakas agad ang mga suspek habang ilang residente ang nakakita sa paghingi ng saklolo ng biktima na nagsugod sa nasabing pagamutan. (Ulat ni Lordeth Bonilla)