Most wanted ng Maynila patay sa engkuwentro

Isang kilabot na kriminal at responsable sa serye ng panghoholdap sa ilang lugar ng kalakhang Maynila ang nasawi matapos itong pagbabarilin ng mga alagad ng batas sa isang engkuwentro na naganap kamakailan sa bayan ng Taguig.

Sa report na natanggap ni Southern Police District Director, Chief Supt. Jose Gutierrez, ang nasawi ay nakilalang si Baltazar Balan na hindi na umabot ng buhay sa Ospital ng Makati sanhi ng maraming tama ng bala sa katawan.

Nabatid sa Taguig Police na nagsagawa ang mga ito ng pagsubaybay sa suspek.

Napagalaman pa ang ang nasawi ay sangkot umano sa ilang insidente ng holdapan sa ilang lugar sa Taguig.

Dakong ala-1:45 ng madaling-araw nang maka-engkuwentro ng awtoridad si Balan sa Pinagsama Village, Brgy. Western Bicutan.

Nang manlaban si Balan ito ay agad na inunahan ng mga awtoridad. (Ulat ni Lordeth Bonilla)