Ex-police major nasamsaman ng mga baril

Isang dating police Major ang inaresto ng mga tauhan ng Western Police District (WPD) makaraang mahulihan ng dalawang baril na walang kaukulang lisensiya habang lulan ito ng kanyang owner type jeep sa Tondo, Maynila kahapon ng madaling araw.

Nakilala ang nadakip na si Ex-major Rey Salcedo dating nakatalaga sa Camp Parang Maguindanao at pansamantalang nanunuluyan sa 2182 P. Burgos St., Pasay City.

Walang maipakitang papeles ng baril na kalibre .45 at 357 magnum ang suspect nang sitahin ito ng mga tauhan ng WPD Mobile Patrol Unit at Special Weapon and Tactics kaya ito inaresto. (Ulat ni Ellen Fernando)