Kinilala ang mga biktima na kasalukuyang ginagamot sa Jose Reyes Memorial Medical Center na si Supt. Ernesto Fojas, 41, Hepe ng Malabon Police at residente ng 37 Victory Ave., Tatalon, Quezon City; Allan Padilla; Francisco Ceron at Ferdinand Oliveros, pawang mga empleyado ng St. Paul Billiards.
Kaagad namang nasakote ng mga tauhan ng Western Police District Station 7 ang mga suspect na sina Rene Loreto, Michael Lopez, Roverto Banting at Orlan Titoy, pawang mga residente ng Tondo, Maynila.
Sa imbestigasyon, dumalaw si Fojas sa kanyang kapatid sa may Limay St., Tondo nang bigla na lamang magkagulo dakong alas-2 ng madaling-araw sa loob ng isang bilyaran ang mga kabataan dito na umano’y miyembro ng True Brown Society o TBS at Bhone Thugs.
Agad na nagresponde si Fojas sa naturang kaguluhan subalit siya ang pinagbalingang gulpihin, nakawan ng cellphone at baril. (Ulat ni Andi Garcia)