Ang biktima ay kinilalang si Orsolo Pedronio, 42 anyos ng Kasunduan St., Brgy. Commonwealth, matapos na tumama ang ulo nito sa kalsada.
Base sa imbestigasyon ng Central Police District Traffic Sector 5, naganap ang insidente dakong alas-12:30 ng madaling araw sa Commonwealth Avenue.
Napag-alaman na ang biktima ay naglilinis ng taxi sa naturang lugar nang ito ay mahagip ng rumaragasang tricycle na may plakang TX-5128.
Sa sobrang lakas nang pagkakabunggo ay tumilapon ang katawan ng biktima at malakas na humampas ang ulo nito sa konkretong kalsada na naging dahilan ng agad nitong kamatayan.
Matapos ang insidente ay agad namang sumuko ang suspek na si Byron de Leon, 21 anyos at residente ng #89 Adaria Unit Brgy. Commonwealth. (Ulat ni Jhay Mejias)