Ito umano ang isa sa pangunahing dahilan kung bakit marami sa mga Pilipino ang mayroong osteoporosis o humihinang buto habang tumatanda.
Ayon kay South Cotabato Rep. Darlene Magnolia Antonina-Custodio na mapanganib din ang pagkakaroon ng osteoporosis kaya nga ang tawag dito ay ‘silent disease’.
Ayon sa pinakahuling survey ng Food and Nutrition Research Institute (FNRI) ng Department of Science and Technology (DOST) ang average consumption ng gatas o mga produktong galing sa gatas ng mga Pilipino ay 44 na gramo lamang, wala pang one-fourth cup sa isang araw.
Ang mababang consumption ng gatas ay dahil umano sa kaisipan na kailangan lamang bumili ng gatas kung mayroong sobrang pera at mas responsibilidad ng mga ina kaysa sa mga ama ang pagpapainom ng gatas sa kanilang mga anak.
Hindi umano nalalaman ng isang tao na masyado nang malaki ang pinsala sa kanyang mga buto dahil sa osteoporosis at bigla na lamang itong matutumba na nagiging sanhi ng fracture o pilay.
Umaabot umano sa 13.6 percent sa mga kalalakihan at 6.9 percent sa mga kababaihan ang nakakaranas ng fracture sanhi ng mahinang buto. (Ulat ni Malou Rongalerios)