Training sa PNP, pag-iibayuhin

Pag-iibayuhin ng hanay ng pulisya ang kanilang training upang mabawasan ang umano’y scalawags at mabago ang imahe sa kanilang hanay.

Ito ang isusulong ng bagong talagang Pangulo ng Philippine Public Safety College (PPSC) na si Gen. Ramsey Ocampo matapos na i-appoint ito ni Pangulong Gloria Macapagal-Arroyo.

Si Ocampo ay dating Director ng Narcotics Command (NARCOM) noong 1995, Criminal Investigation Detection Group (CIDG) noong l996 at sa Regional Command 7.

Naniniwala ang Heneral na ang ibayong police training ay magbibigay ng malaking bahagi upang mapabuti ang serbisyo ng kapulisan sa publiko. (Ulat ni Lordeth Bonilla)