Negosyante tinaningan ni SB sa pagbabayad ng tax

Nagbigay ng taning si Quezon City Mayor Sonny "SB" Belmonte sa lahat ng may-ari ng business establishment na magbayad ng business tax bago sumapit ang deadline sa pagbabayad sa Hulyo 20 ng taong ito.

Kaugnay nito ay nagpalabas ng anunsiyo si Belmonte na bukas ang Treasurers Office ngayong araw na ito at linggo para ma-accommodate ang mga bayaran para sa business tax.

Sakaling hindi makapagbayad ng buwis ang sinumang establisimiyento ay kokolektahan ito ng 25% ng halaga ng kanilang tax payment bukod pa sa 2% surcharge.

Milyong piso ang malilikom na halaga ng salapi ang kikitain ng city government kapag nakapagbayad ng kanilang mga buwis. (Ulat ni Angie Dela Cruz)