Dahil sa kawalan ng tubig sa Palasyo, ang Pangulong Gloria Macapagal Arroyo kasama si First Gentleman at mga anak ay nag-check in sa Manila Hotel.
Ang pagkaputol ng serbisyo ng tubig ay matatapos alas-9 ng gabi sa darating na Lunes ayon sa Manila Water Services Inc. ay magbibigay daan sa pagkakabit ng tubo ng tubig sa mga lugar na apektado ng itinatayong Metro Rail Transit.
Ang malaking epekto ng kawalan ng tubig ay naging daan para imungkahi ni Senador Blas Ople na maantala muna ng isang araw ang nakatakdang pagbubukas ng klase bukas sa mga paaralan sa mga lugar na wala pang tubig.
Sinabi ni Ople na ang kawalan ng tubig sa mga paaralan ay maaaring magbunga ng problemang pangkalusugan sa mga mag-aaral.
Hindi lang aniya ang mga bata ang maaapektuhan kundi maging ang mga guro at kawani ng paaralan. (Ulat ni Lilia Tolentino)