Vicencio prinoklama na sa Malabon

Pormal nang iprinoklama kamakalawa ng gabi ng Commission on Elections (Comelec) si Amado Vicencio bilang nanalong Alkalde ng Malabon nitong nakaraang eleksyon.

Sa kabila ng nakuhang 67,178 na boto laban sa kanyang kalabang si Flerida Marcelo ng People Power Coalition (PCC), hindi pa rin dumalo si Vicencio ng Puwersa ng Masa sa kanyang proklamasyon bilang pagbibigay simpatiya kay Malabon-Navotas congressional bet Rissa Oreta na kasalukuyang mayroon pa ring legal na laban sa kanyang kalaban na si Federico Sandoval III.

Samantala, nagtamo naman ng may 47,000 boto si Jayjay Yambao bilang Vice Mayor laban sa kanyang kalabang si Virgilio Lacson na nagtamo ng 36,757 boto. (Ulat ni Gemma Amargo)