Comprehensive social reform agenda para sa mahihirap giit ni Belmonte

Hinimok ni House Speaker Sonny "SB" Belmonte sa incoming Congress na nakatakdang mahalal sa susunod na linggo na pagtibayin ang isang komprehensibong social reform agenda na tutugon sa lahat ng isyung inilahad ng mga mahihirap na nagbunsod sa tinatawag na People Power 3.

Ang pahayag ay ginawa ng Speaker sa kanyang pagsasalita bilang panauhing taga-pagsalita sa regular na flag raising ceremony sa House of Representatives kahapon.

Ayon kay Belmonte na ang kongreso, ang higit sa lahat na maaaring makatugon sa ganitong social agenda, gayundin ang makapagbibigay ng buong suporta para ito maipagtagumpay sa pamamagitan ng budgetary allocation.

Naniniwala ni SB na ang ganitong pro-poor social agenda ay magkakaroon ng lalong kaganapan dahil sa strong political will ng administrasyong Macapagal-Arroyo, na nangako rin nang pagpapataas sa kondisyon ng pamumuhay ng mga mahihirap.

"Ang Kongreso ay lugar kung saan ang pagbabago ay maaaring pasimulan. Huwag na nating hintayin na sa kalye magsimula ang pagbabago," dagdag pa ni Belmonte.