GMA sinuportahan ng QC Council, PCL

Nagsampa kahapon si Quezon City Councilor at Philippine Councilor League National Chairman Pinggoy Lagumbay ng isang resolusyon sa QC Councilor na nagpapahayag ng buong suporta sa bagong administrasyon ni Pangulong Gloria Macapagal-Arroyo.

Binigyang-diin ni Lagumbay na ang apat na araw na People Power sa Edsa na nagpatalsik sa dating pangulo ang naging daan sa pagkakaluklok sa bago at ika-14 na Pangulo ng bansa para pangasiwaan ang bansa sa susunod na tatlong taon.

Ayon kay Lagumbay ang pagkakaupo ni Arroyo bilang Chief Executive ay makakatulong upang mamithi na ang inaasahang kapayapaan at pagkakaisa, paninindigan at paniniwala sa gobyerno na magiging susi sa pagsigla ng ekonomiya ng bansa.(Ulat ni Angie dela Cruz)