HS student nahulihan ng baril sa school

Isang high school student ang dinampot matapos itong mahulihan ng baril mismo sa loob ng pinapasukang eskuwelahan, kahapon ng umaga sa bayan ng Taguig.

Kinilala ng pulisya ang suspek na si Julius Galvante, 18, 4th year high school sa General Ricardo Papa Memorial High School na matatagpuan sa Gen. Luna st., Bgy. Tuktukan at nakatira sa #28 Daisy st., Bgy. Lower Bicutan ng nasabing bayan.

Ayon sa ulat, nagsasagawa ng inspeksiyon ang mga guwardiyang sina Jovito Bernardo, 35 at Carlito Yaneza, 47, sa lahat ng pumapasok na mga mag-aaral nang pagbulatlat sa bag ng suspek ay nakita sa loob nito ang isang sumpak at isang piraso ng bala ng kalibre .45 baril.

Agad dinala ang suspek sa pulisya at sinampahan ng kasong illegal possession of firearm at paglabag sa Omnibus election Code o gun ban. (Ulat ni Lordeth Bonilla)