Utang tinakasan, nagbigti

Tinakasan ng isang lalaki ang marami niyang pagkakautang sa pamamagitan ng pagbibigti, kahapon ng umaga sa lungsod ng Muntinlupa.

Si Sean Martinez, 25, ng Phase 5 Blk 24 Lot 3 Bridge Field st., Park Homes, Bgy. Tunasan nabanggit na lungsod ay natagpuan ng kanyang live-in partner na si Maricar Vertebo, 27, na nakatali ang leeg ng nylon cord at nakabitin sa kisame ng kanilang kuwarto.

Nabatid kay Vertebo na pinoproblema umano ni Martinez ang marami nitong utang at isa ito sa hinihinalang dahilan ng pagpapakamatay nito. (Ulat ni Lordeth Bonilla)