Pabrika ng sago na may borax sinara na

Tuluyan nang ipinasara kahapon ng Bureau of Food and Drugs (BFAD) at Department of Interior and Local Government (DILG) ang Felixion Marketing na pabrika ng sago na may halong borax na umano ay preservatives.

Ang pagkatuklas na may sangkap na borax ang sago na ginagamit sa mga tindang pearl shakes sago matapos ibulgar ng mga nakatakas na trabahador na menor de edad sa nabanggit na ahensiya.

Ang borax na isang uri ng pulbos na puti ay gamit bilang pampadulas ng kamay sa mga naglalaro ng bilyar at ito rin ay inilalagay sa mesa kapag naglalaro ng pool.

Bukod sa kasong paglalagay ng borax sa produktong sago ito rin ay lumabag sa labor code at child abuse dahil sa pagmamaltrato sa mga trabahador nito. (Ulat ni Rose Tamayo)