2 hijackers ng truck nasakote

Dalawa sa tatlong hinihinalang miyembro ng hijacking syndicate ang naaresto ng mga operatiba ng WPD-Station 7 makaraang i-hijack ng mga suspek ang isang 40-footer container van na naglalaman ng mga styrofoam sa Tondo, Maynila.

Ang mga suspek ay sina Oscar Ginatiba, 24, ng Tondo at Rey Apollo, 22, ng Caloocan City.

Samantala, ang isa pang suspek na pinaghahanap ay si Danny Ovales, pahinante ng naturang truck na siyang itinuturong utak sa naturang hijack.

Ipinagkatiwala umano ang susi ng truck kay Ovales ngunit nagulat na lamang ang driver ng truck nang wala na sa garahe ang truck. (Ulat ni Ellen Fernando)