Political detainees patatakasin ng NPA rebels

Mahigpit na seguridad ang pinatutupad ngayon sa New Bilibid Prisons (NBP) sa Muntinlupa City matapos makatanggap ng intelligence report na sasalakay umano dito ang maka-kaliwang grupo ng New People’s Army (NPA) upang itakas ang mga nakakulong na political detainee.

Nabatid na ang buong compound ng NBP ay hinarangan ng barbedwire at magdamagang pagbabantay sa palibot nito ang iniutos upang maiwasan ang anumang karahasan na maaaring maganap sakaling magkaroon ng pagsalakay.

Ang alert status ay paiiralin lalu na sa hatinggabi.

Sa nakalap na intelligence report, nagbanta umano ang NPA na lulusob anumang oras sa Pambansang Bilangguan para sa pagpapalaya sa mga nakakulong na political prisoners. (Ulat ni Lordeth Bonilla)