Idineklarang dead-on-arrival sa Bernardino General Hospital si John Ivan Cruz, 1st year high school student at nakatira sa Block 15 Lot 2 College st., Hobart Village, QC.
Sa ulat ni SPO2 Joseph Diño, may hawak ng kaso, bandang ala-1:30 kamakalawa ng hapon nang matagpuang duguan at may tama ng bala sa kanang mata na naglagos sa kanyang ulo ang biktima sa likod ng guard quarters sa naturang subdivision.
Kaagad isinugod ng mga kaanak ang biktima sa naturang pagamutan subalit patay na ito.
Natuklasan naman ng mga awtoridad na nawawala simula kamakalawa ang security guard na si Joseph Retita kaya tumibay ang hinala ng pulisya na ito ang bumaril at nakapatay sa naturang estudyante.
Inaalam pa ng mga awtoridad ang motibo ng suspek sa pagpatay sa naturang binatilyo. (Ulat ni Rudy Andal)