Anti-Erap nakipagtalo sa pro-Erap inatake sa puso, patay
December 9, 2000 | 12:00am
Hindi na umabot ng buhay nang isugod sa isang pagamutan ang isang miyembro ng anti-Erap matapos itong atakihin sa puso dahil sa matinding galit habang nakikipagtalo sa grupo ng mga pro-Erap, kamakalawa ng gabi sa Pasay City.
Dead-on-arrival sa San Juan de Dios Hospital ang biktima na nakilalang si Nestor Ocampo, 56, taga-Cavite.
Si Ocampo ay isang miyembro ng anti-Erap na dumalo sa rally kamakalawa para sa unang araw na pagdinig ng impeachment trial ni Pangulong Estrada.
Nabatid na nakipagtalo umano si Ocampo sa ilang grupo ng pro-Erap habang nakiki-rally sa Roxas Blvd.
Dahil sa matinding galit, inatake ito sa puso kung saan mabilis itong dinala ng kanyang ilang kasamahan sa nabanggit na pagamutan subalit binawian na ito ng buhay. (Ulat ni Lordeth Bonilla)
BrandSpace Articles
<
>
- Latest
- Trending
Trending
Latest