Trader, driver kinidnap

Isang negosyanteng Fil-Chinese at ang driver nito ang sapilitang tinangay ng limang armadong kalalakihan habang lulan ng isang van, kamakalawa ng gabi sa panulukan ng Tomas Mapua at New Antipolo sts., Sta. Cruz, Manila.

Ang mga biktima na di muna ibinunyag ang mga pangalan ay lulan ng isang Adventure na kulay asul na may plakang WHL-701 nang dukutin umano ng mga suspek na sakay ng isang silver Toyota Corona na may plakang WJP-761 o WSE-761.

Armado ng armalite at kalibre .45 baril ang mga suspek ng bumaba sa kanilang sasakyan at lapitan ang driver kasabay ng panunutok dito ng baril.

Kasunod nito ay inutusan ang mag-among biktima na sumakay sa get-away car ng mga suspek habang ilan sa mga suspek ay lumipat sa sasakyan ng negosyante at pinaharurot patungo sa di-malamang direksyon.

Nagsasagawa na ng follow-up operations ang pulisya. (Ulat ni Ellen Fernando)