Mister naaktuhan ni misis na may kalaguyo

Bilangguan ang kinabagsakan ng isang 54-anyos na mister matapos itong ireklamo ng kanyang misis kahapon nang madiskubre na ito ay may ibang babae sa lungsod ng Makati.

Kinilala ang suspek na si Delfin Austria na inaresto ng mga pulisya sa tinutuluyan nitong bahay ng kanyang kinakasamang babae sa Palanan St., Barangay Pitogo ng nabanggit na lungsod.

Samantala, ang misis nitong nagharap ng reklamo ay nakilala namang si Corazon Austria, 61, nakatira sa 179-A Luna St., Barangay San Joaquin, Pasig City.

Ayon sa pahayag ng ginang na dalawang taon na siyang niloloko ng kanyang mister matapos niyang madiskubre na ibinahay nito ang kalaguyo.

Ang suspek ay nahaharap sa kasong concubinage at nakakulong ngayon sa Makati City Jail. (Ulat ni Lordeth B. Bonilla)