Idineklarang dead-on- arrival sa Jasmir Memorial General Hospital ang biktimang si Romeo Sarmiento, 42, may asawa, ng 1214 Tramo St.,Zapote Road, Brgy. Pulang Lupa ng nasabing lungsod.
Samantala, ang suspek na ngayon ay tinutugis ng pulisya ay nakilalang si Rudy Reyes, 35, residente din ng naturang lugar.
Batay sa imbestigasyon ni SPO2 Willy Dalawangbayan, may hawak ng kaso, naganap ang krimen dakong alas-4:30 ng hapon kamakalawa habang ang dalawa ay magkasamang nag-iinuman ng alak sa naturang lugar.
Ayon sa ulat ng pulisya, lumalabas na nagpalitan ng maanghang na salita sina Sarmiento at Reyes na pawang mga lango sa alak hinggil sa isasagawang impeachment laban kay Erap.
Hanggang sa mauwi sa sigawan bago inundayan ng saksak ng patalim ng suspek si Sarmiento na nagresulta sa kanyang pagkamatay. (Ulat ni Lordeth Bonilla)