Pagkumpuni sa nawasak na tulay at kalsada sa M7.8 lindol, pinabibilisan
MANILA, Philippines — Pinabibilisan ni Department of Public Works and Highways (DPWH) Secretary Vince Dizon ang agarang pagkukumpuni sa mga nasirang national roads at tulay sa Sarangani at General Santos City na niyanig ng 7.8 magnitude na lindol, kamakalawa.
Isinagawa ni Dizon ang kautusan nang personal na inspeksiyunin ang mga lugar na naapektuhan ng lindol.
Ayon kay Dizon, mahalagang makumpuni kaagad ang mga nasirang tulay at kalsada para matiyak na hindi maaantala ang paghahatid ng tulong, relief, medical, at emergency response operations sa mga nasalantang lugar.
Kinumpirma naman ni Dizon na nananatiling uninterrupted ang daloy ng trapiko sa pamamagitan ng newly constructed na Buayan Twin Bridge, kaya’t nasisiguro ang connectivity sa pagitan ng General Santos City at Sarangani Province, gayundin ang pagpapasilidad ng galaw ng mga goods at essential services.
Inatasan din niya ang Sarangani, South Cotabato 1st, at South Cotabato 2nd District Engineering Offices na madaliin ang repair works sa mga apektadong imprastraktura.
- Latest
