Mayo 18, 2013

Pagtitibay: Daluyan ako ng umaapaw na biyaya mula sa Diyos.

TAURUS (Abril 20 - Mayo 20) — Huwag baguhin ang dating mga balak. Taliwas o kabaligtaran sa inaakalang mangyayari. Isang kapwa Aries ang magbibigay ng hinanakit. Isang Libra ang magbibigay ng kaligayahan o kasiyahan. Maayos at mabuting pamamahala ang dapat gawin para magtagumpay. Lucky numbers at color for the day ay 3, 5, 33, 40 at yellow.

GEMINI (Mayo 21 - Hunyo 21) — Masaya at maaliwalas ang mga Gemini. Mapapawi ang mga suliranin na pangtahanan. Masigla at makulay ang daigdig ng pag-ibig. Posibleng makatanggap ng magandang balita tungkol sa trabaho o negosyo. Makakatagpo ng bagong kaibigan. Lucky numbers at color for the day ay 18, 26, 34, 39 at peach.

CANCER (Hunyo 22 - Hulyo 22) — Matalas ang isip. Naaayon ang paglagda sa mahahalagang papeles o kontrata. Naaayon ang magpa-interview o pagkuha ng pasusulit o examination. Kabigha-bighani ka at magandang makausap. Lucky numbers at color for the day ay 4, 8, 28, 30 at blue.

LEO (Hulyo 23 - Agosto 22) — May sagabal sa binabalak na pagtatapat ng saloobin. May matutuklasan na ikakagalit. Magkakaroon ng hindi magandang relasyon sa bagong kakilala o kaibigan. Suliranin sa trabaho o tahanan ang magbibigay ng tamlay. Lucky numbers at color for the day ay 5, 10, 14, 22 at red.

VIRGO (Agosto 23 - Setyembre 23) — Pag-isipan muna kung makakabuti o nakakasama ang gawain bago pumalaot. Kung hindi mag-iingat, mapapasubo o mapapahamak. Lucky numbers at color for the day ay 7, 25, 40, 42 at indigo.

LIBRA (Setyembre 24 - Oktubre 23) — Isang Leo ang makakapagpainit ng ulo. Ang pagtitimpi ay dapat pairalin. Iwasan ang paanyaya ng mga kaibigan. Huwag tumambay sa labas ng tahanan sa gabi. Lucky numbers at color for the day ay n3, 5, 22, 39 at white.

SCORPIO (Oktubre 24 - Nobyembre 22) — Sundin ang dikta ng isip at huwag ang puso. Iwasan ang ma­ging mapusok sa pag-ibig dahil ipapahamak ka. Huwag pa­dala sa matamis na salita. Mapalad at masuwerte sa ne­gosyo. Lucky numbers at color for the day ay 6, 11, 13, 40 at gray.

SAGITTARIUS (Nobyembre 23 - Disyembre 21) — Maging mapamaraan sa pakikibagay ang pairalin. Tiyakin na walang masasaktan sa mga salita o gawa. Mapapalawak ang sirkulo ng pakikipag-kapwa. Sa mga gawain, isaalang-alang ang kapakanan ng kaligatasan ng iba at ng sarili. Lucky numbers at color for the day ay 2, 6, 20, 36 at green.

CAPRICORN (Disyembre 22 - Enero 19) — Malamang may hindi inaasahang panauhin. Walang sagabal sa lakarin o gawain. Matiwasay na matatapos ang nasimulan. Kung magsisimula ng negosyo, magiging maunlad. Lucky numbers at color for the day ay 8, 13, 26, 33 at beige.

AQUARIUS (Enero 20 - Pebrero 18) — Walang sagabal kung makikipagkasundo sa nakasamaan ng loob. Naaayon ang maglakbay sa malayo o malapit. Ang mangyayari ay magsisilbing isang leksiyon. Malamang may matutuklasan. Lucky numbers at color for the day ay 8, 17, 20, 32 at orange.

PISCES (Pebrero 19 - Marso 20) — Kung hirap noon, sagana ngayon. Kung panay ang hinanakit nang nakalipas, kaligayahan ngayon. Nasa itaas ka sa gulong ng buhay, dapat paghandaan ang panahon kung nasa ilalim. Lucky numbers at color for the day ay 3, 5, 24, 30 at light blue.

ARIES (Marso 21 - Abril 19) — Mapalad sa larangan ng pag-ibig. Angkin ang talas ng ESP na makakatulong sa kaibigang may suliranin. Huwag maniwala sa impormasyong matanggap, suriin o siyasatin muna bago magdesisyon. Lucky numbers at color for the day ay 6, 24, 28, 34 at green.