Marso 13, 2007

PISCES (Peb. 19 - Mar. 20) - Isang kasunduan o usapan ang hindi matutupad. Huwag maging mapusok sa larangan ng pag-ibig dahil kapahamakan ang iyong aabutin at pagsisisihan kung sakali. Madaragdagan ang iyong timbang na lampas sa nais mong taglayin kung walang disiplina sa pagkain. Lucky numbers at color for the day ang 11, 13, 28, 41 at lemon green.

ARIES (Mar. 21 - Abr. 19) - Isang bagay ang matutuklasan mo sa taong pinagkakatiwalaan na ikakasama ng iyong loob. Maging prangka ka. Kausapin ang taong kinasasamaan ng loob. Huwag idamay ang walang kinalaman sa init ng ulo. Pag-aralan munang mabuti ang isang pinaplano bago gawin. Lucky numbers at color for the day ang 9, 26, 33, 45 at cherry red.

TAURUS (Abr. 20 - May. 20) - Maipagbibili mo ang ilang ari-arian dahil sa kagipitan. Makakalimot ka sa iyong mga personal na pangangailangan dahil sa problema. Hindi mo makokontrol ang panghihina ng iyong katawan sa araw na ito. Mag-relaks upang hindi maapektuhan ang kalusugan. Lucky numbers at color for the day ang 7, 16, 36, 38 at white.

GEMINI (May. 21 - Hun. 21) - Mapapansin ang iyong pagseselos sa minamahal o kaibigan. Magiging sensitibo ang iyong damdamin sa ibang tao na pagdududahan na ikaw ang pinag-uusapan. Makakamit mo ang suporta ng mga kasamahan sa isang proyektong isusulong. Lucky numbers at color for the day ang 2, 15, 39, 41 at apple green.

CANCER (Hun. 22 - Hul. 22) - Piliin ang mga taong makakasama o makakasalamuha dahil maaaring mahatak ka sa kanilang negatibong enerhiya o maudyok sa gawaing hindi maganda. Kumplikado ngayon ang mag-isip tungkol sa pag-ibig kaya ibaling sa ibang makabuluhang bagay. Lucky numbers at color for the day ang 8, 11, 27, 40 at pink.

LEO (Hul. 23 - Ago. 22) - Aksidente mong makakasalubong ang dating kasuyo, kaibigan, kaaway o kamag-anak. Iwasan ang muling matukso. Mahal ka pa rin niya sa kabila ng lahat ng masasakit na bagay na ginawa mo sa kanya. Kaya lang ay mas matimbang ang kanyang paghihiganti sa iyo. Lucky numbers at color for the day ang 2, 17, 22, 38 at yellow.

VIRGO (Ago. 23 - Set. 23) - Makakahiligan mo ang mga klasikal na musika at ito ay makakatulong sa iyong depresyon at problema. Mababawasan ang lihim na paghanga ng isang nagmamahal dahil sa sobra mong kayabangan o pagiging makasarili. Lucky numbers at color for the day ang 4, 12, 34, 41 at lavender.

LIBRA (Set. 24 - Okt. 23) - Mapapatunayan mo ang suporta ng iyong kapamilya sa gagawing pagbabago, gayundin ang kanilang pagmamahal sa kabila ng lahat ng iyong pagkakamali. Balansehin ang lahat ng bagay sa gusto mong ipundar o mangyari upang walang maging sagabal at magtagumpay. Lucky numbers at color for the day ang 6, 20, 30, 36 at copper red.

SCORPIO (Okt. 24 - Nob. 22) - Magkakaroon ka ng eskandalo dahil sa bawal na pag-ibig kung hindi aagapan ang pag-iwas. Matinding sakit ang iyong mararamdaman na kailangang pagsikapang malagpasan dahil sa kabiguan. Hindi ka naman pababayaan ng isang malapit na kaibigan o minamahal sa iyong mabigat na problema. Lucky numbers at color for the day ang 2, 5, 16, 34 at pink.

SAGITTARIUS (Nob. 23 - Dis. 21) - Maaalala mo ang iyong minamahal na nasa malayong lugar. Maaari mo siyang i-text o tawagan para maibsan ang nararamdamang lungkot at pananabik. Iwasang magsugal na maaaring malaking pera ang mapatapon o mawaldas nang walang kabuluhan. Lucky numbers at color for the day ang 5, 24, 31, 39 at orange.

CAPRICORN (Dis. 22 - Ene. 19) - Maaaring matukso ka ng isang mas bata kaysa sa iyo na hahantong sa isang relasyon at romansa. Magkakaroon ka na ng lakas ng loob upang ipakita ang iyong matagal nang itinatagong damdamin o saloobin. Mag-ingat dahil may pagsisisihan ka sa iyong gagawin. Lucky numbers at color for the day ang 1, 14, 30, 38 at electric blue.

AQUARIUS (Ene. 20 - Peb. 18) - Lalala ang pagka-depressed na iyong mararamdaman dahil sa pagwawalang-bahala ng iyong kapartner o kasintahan. Madaragdagan pa ito dahil sa bigat ng load sa trabaho. Dahil dito, mapapansin ng iyong boss o amo na mali ang iyong paraan sa pagresolba ng problema. Mag-ingat dahil nakatuon sa iyo ang pansin ng nakatataas sa tungkulin. Lucky numbers at color for the day ang 5, 19, 25, 42 at sky blue.