Hunyo 08, 2006

GEMINI: (May 21 - Hun. 21) – Malamang manghiram ng pera ang isang kaibigan o kamag-anak subalit dapat tanggihan dahil matatagalan bago mabayaran. Huwag magalit sa payong maririnig. Pag-aralan munang mabuti bago magdesisyon. Lucky numbers at color for the day ang 8, 16, 24, 30 at gray.

CANCER: (Hun. 22 - Hul. 22) – Magtatagumpay sa nilalakad kung sa umaga gagawin. Magaan ang pasok ng pera. Ang daloy ng komunikasyon ay mabilis at may mga magandang balitang masasagap. Maganda ang takbo ng pangangalakal. Lucky numbers at color for the day ang 2, 14, 29, 35 at ocean blue

LEO: (Hul. 23 - Ago. 22) – Dagdagan ang tiyaga at manalangin upang makaiwas sa bulilyaso. Maraming pagkakamali ang magagawa ngayon. Hinahon at dahan-dahan ang kailangan. Mag-ingat sa pakikipag-ugnayan sa iba dahil ang kapareha ay magiging selosa o seloso. Lucky numbers at color for the day ang 6, 14, 19, 24 at green.

VIRGO: (Ago. 23 - Set. 23) – Malakas ang tiwala sa sarili at positibo ang pag-iisip sa mga gawain o ginagawa. Walang suliranin sa pamilya o minamahal. Nasa tamang landas ng kasaganaan ang tinatahak ng kabuhayan at pag-ibig. Maaliwalas ang buong araw. Lucky numbers at color for the day ang 10, 14, 35, 36 at blue.

LIBRA: (Set. 24 - Okt. 23) – Kahit anong paanyaya ay dapat tanggihan. Iwasan ang sosyalan. Pag-aralang mabuti ang kasulatan o kasunduan bago lagdaan. Kung may balak maglakbay, ipagpaliban dahil mag-aaksaya lamang ng panahon. Lucky numbers at color for the day ang 5, 15, 24, 30 at pink.

SCORPIO: (Okt. 24 - Nob. 22) – May mag-aalok ng trabaho subalit mas magandang pag-aralan munang mabuti at timbangin ang kabutihang maibibigay kaysa kasalukuyang trabaho. Nasa pagitan ka ng pagkakamali at tama. Panalangin ang kailangan upang magkaroon ng patnubay sa tamang desisyon. Lucky numbers at color for the day ang 16, 20, 31, 42 at maroon.

SAGITTARIUS: (Nob. 23 - Dis. 21) – Alam mong tama ka, subalit lalong mabuti kung huwag kang makialam sa desisyon ng iba. Harapin ang sariling suliran dahil may kalutasan kung pagtutuunan ng pansin. Magbibigay ng positibong resulta kung sisimulan kaagad ang binabalak. Lucky numbers at color for the day ang 14, 19, 21, 39 at fuschia.

CAPRICORN: (Dis. 22 - Ene. 19) – Mag-relax o mamasyal dahil makatutulong itong manumbalik ang enerhiya ng sigla. Magiging makitid ang isip kaya iwasang mapikon at madaling mag-init ang ulo. Iwasang maglasing at magsugal, gayundin ang biruan at kantiyawan. Lucky numbers at color for the day ang 8, 10, 13, 25 at orange.

AQUARIUS: (Ene. 20 - Peb. 18) – Ang tunay na kaibigan ay sa ginhawa at kagipitan ka dadamayan. Ngayon mapapatunayan ang tunay na kaibigan. Tawag ng panahon upang iwasan ang kaibigan sa turing at wala sa damayan. Magandang balita dahil magiging maligaya ang pag-ibig. Lucky numbers at color for the day ang 8, 16, 19, 30 at dollar green.

PISCES: (Peb. 19 - Mar. 20) – Nasa kundisyon at kasiglahan ka at handang harapin ang kahit ano. Magiging masayahin at halos lahat ng kakilala ay magugulat sa asal na makikita. Isa lamang ang dahilan at ito ay pag-ibig. Mag-ingat dahil isang kaibigan ang malamang magtraydor o mag-taksil. Lucky numbers at color for the day ang 1, 9, 12, 28 at cream.

ARIES: (Mar. 21 - Abr. 19) – Ang tahanan o pinagtatrabahuhan ang mapagtutuunan ng pansin sa pagliligpit o paglilinis. Magiging mainitin ang ulo sa mga kaguluhang makikita. Hinahon ang kailangan nang walang masaktang damdamin. Maghunos-dili at pigilan ang galit. Lucky numbers at color for the day ang 5, 12, 25, 31 at lavander.

TAURUS: (Abr. 20 - May. 20) – Huwag magmadali. Hintayin ang tamang oras at pagkakataon sa gustong mangyari. Maraming gustong gawing pagbabago ngunit mahihirapang magpaliwanag sa kinauukulan. Maging tapat sa gustong mangyari. Iwasang makipagsisihan dahil walang ibubunga nang mabuti. Lucky numbers at color for the day ang 10, 12, 14, 31 at light green.