Hulyo 29, 2005

LEO (Hul. 23-Ago. 22) – May sagabal sa binabalak na pagtatapat ng saloobin. May matutuklasan na ikagagalit. Magkakaroon ng hindi magandang relasyon sa bagong kakilala o kaibigan. Suliranin sa pinapasukan o tahanan ang magbibigay katamlayan sa araw. Lucky numbers at color of the day ang 5-10-14-22 at red.

VIRGO (Ago. 23-Set. 23) – Babatakin ng galamay ng tukso. Pag-isipang mabuti bago pumalaot kung ito’y makabubuti o makakasama. Kung hindi mag-iingat ay posibleng mapasubo o mapahamak. Lucky numbers at color of the day ang 7-25-40-42 at indigo.

LIBRA (Set. 24-Okt. 23) – Isang Leo ang makapagpapainit ng ulo. Ang pagtitimpi ay dapat pairalin. Iwasan ang anyaya ng mga kaibigan. Huwag mag-istambay sa labas ng tahanan lalo sa gabi. Lucky numbers at color of the day ang 3-5-22-39 at white.

SCORPIO (Okt. 24-Nob. 22) – Sundin ang dikta ng isip at huwag ang galing sa puso. Iwasang maging mapusok sa pag-ibig dahil kapahamakan ang idudulot nito. Huwag padala sa matatamis na pananalita ng kausap. Lucky numbers at color of the day ang 6-11-13-40 at gray.

SAGITTARIUS (Nob. 23-Dis. 21) – Mapamaraan at pakikibagay ang dapat ipairal. Tiyaking walang masasaktan sa mga sasabihin o gagawin. Mapapalawak ang sirkulasyon ng pakikipagkapwa. Sa mga gawain, isaalang-alang ang kapakanan ng kaligtasan ng iba at sarili. Lucky numbers at color for the day ang 2-6-20-36 at green.

CAPRICORN (Dis. 22-Ene. 19) – Malamang may hindi inaasahang panauhin ang dumating sa tahanan. Walang sagabal sa lakarin o gawain. Matiwasay na matatapos ang napasimulan. Kung magsisimula ng pagninegosyo ay magiging maunlad. Lucky numbers at color of the day ang 8-13-26-33 at beige.

AQUARIUS (Ene. 20-Peb. 18) – Walang sagabal kung makikipagkasundo sa nakasamaan ng loob. Naaayon ang paglalakbay malayo man o malapit. Ang mangyayari ay magsisilbing isang leksiyon. Malamang may matuklasan. Lucky numbers at color of the day ang 8-17-20-32 at orange.

PISCES (Peb. 19-Mar. 20) – Kung hirap noon, kasaganaan naman ang mararanasan ngayon. Kung panay na hinanakit ng nakalipas na araw ay kaligayahan naman ngayon. Nasa taas ngayon ng gulong ng buhay. Paghandaan ang panahon na mapapailalim. Lucky numbers at color of the day ang 3-5-24-30 at light blue.

ARIES (Mar. 21-Abr. 19) – Mapalad sa larangan ng pag-ibig. Angkin ang talas ng ESP na makatutulong sa kaibigan kung may suliranin. Huwag maniwala sa mga impormasyong matatanggap. Suriin at siyasating mabuti bago magdesisyon. Lucky numbers at color of the day ang 6-24-28-34 at green.

TAURUS (Abr. 20-May 20) – Huwag baguhin ang dating mga balak. Taliwas o kabaligtaran sa inaakala ang mangyayari. Isang kapwa Taurus ang magbibigay ng hinanakit. Isang Libra ang magbibigay ng kaligayahan. Maayos at mabuting pamamahala ang dapat gawin upang magtagumpay. Lucky numbers at color of the day ang 3-5-33-40 at yellow.

GEMINI (May 21-Hun. 21) – Masaya at maaliwalas ang mga Gemini. Mapapawi ang mga suliraning pantahanan. Masigla at makulay ang daigdig sa pag-ibig. Posibleng makatanggap ng magandang balita tungkol sa trabaho o negosyo. Makakatagpo ng bagong kaibigan. Lucky numbers at color of the day ang 18-25-34-39 at peach.

CANCER (Hun. 22-Hul. 22) – Matalas ang isip ngayon. Naaayon ang paglagda ng mahalagang papeles o kontrata. Kabigha-bighani ngayon at magandang kausap. Huwag pababayaan ang kalusugan, sa halip pangalagaan ito. Lucky numbers at color of the day ang 4-8-23-30 at blue.