Hunyo 24, 2004

CANCER (Hun. 22-Hul. 22) – Kung may problema, makikilala ang tunay na mga kaibigan. Sa oras ng kagipitan at pangangailangan, masusubok ang tunay na kaibigan. Ngayon makikilala kung sino ang tunay na kaibigan. Lucky numbers at color of the day ang 11-19-25-37 at sky blue.

LEO (Hul. 23-Ago. 22) – Isiping mabuti ang mga dapat gawing hakbang bago kumilos. Lalong makakasama sa binabalak ang mga desisyon na hindi pinag-isipang mabuti. Pag-isipan ang kalalabasan ng gawain kung magbubunga ng mabuti o masama sa sarili at kapwa bago kumilos. Lucky numbers at color of the day ang 5-9-26-37 at lilac.

VIRGO (Ago. 23-Set. 23) – Magiging masaya ang susunod na mga araw. Maging maunawain at makikita ang pagpapahalaga ng minamahal sa mga bagay na mahalaga sa iyo. Ang tunay na pag-ibig ay nakikita sa gawa at hindi sa salita. Lucky numbers at color of the day ang 3-6-32-41 at yellow.

LIBRA (Set. 24-Okt. 23) – Suliranin sa pag-ibig ang magdadala ng tamlay sa araw na ito. May pagkakataong makasagupa ng taong arogante o mainitin ang ulo. Kung mangyari ito, ipairal ang kahinahunan at malawak na pang-unawa at mahabang pasensya. Isang Capricorn ang magbibigay kasiyahan. Lucky numbers at color of the day ang 5-8-21-37 at gray.

SCORPIO (Okt. 24-Nob. 22) – Huwag mainis kung maging makulit ang mga taong nakapaligid dahil sadyang malapit ngayon sa mga ito. Nais lang nilang may patunguhang maganda ang iyong mga pinaghirapan. Huwag maging waldas sa mga walang kabuluhang bagay. Lucky numbers at color of the day ang 1-21-29-37 at brown.

SAGITTARIUS (Nob. 23-Dis. 21) – Kaya masaya ang minamahal ay dahil sa naging mapagparaya at hindi naging makasarili. Ang maging maalalahanin ay may ganting pagmamahal. Kung naging makasarili noon, ngayon dapat baguhin bago maging huli ang lahat. Lucky numbers at color for the day ang 17-24-27-38 at light blue.

CAPRICORN (Dis. 22-Ene. 19) – Sa bawat araw na magdaraan ay makakaramdam ng pagkainip at pagkainis sa sarili dahil parang walang nangyayari sa buhay. Ito ang tamang panahon upang isakatuparan ang matagal nang binabalak. Kung nag-a-apply, lakarin ito at may pag-asa. Lucky numbers at color of the day ang 2-22-33-41 at pink.

AQUARIUS (Ene. 20-Peb. 18) – Palipasin sa kabilang tainga ang maririnig. Huwag patulan ang naghahanap ng gulo. Mapapatunayan na ang maunawain ay hahangaan ng kapwa. Lucky numbers at color of the day ang 14-19-28-43 at white.

PISCES (Peb. 19-Mar. 20) – Iwasan ang pagkaagresibo dahil sa halip na mapalapit ang kalooban sa minamahal ay mawawalan ng tiwala. Kung magiging mapusok, daranas ng kapahamakan. Matutong tumanggap ng kabiguan. Lucky numbers at color of the day ang 19-25-29-36 at blue.

ARIES (Mar. 21-Abr. 19) – Mag-ingat sa pagsasalita nang hindi mapahiya sa kapwa. Huwag damdamin ang pangyayari dahil makakabawi sa ibang paraan. Mag-ingat dahil magiging malapit sa iyo ang disgrasya. Lucky numbers at color of the day ang 9-10-26-39 at fuschia.

TAURUS (Abr. 20-May 20) – Pagbigyan ang kahilingan ng nakararami. Ito ang tanging paraan upang maiwasang magkaroon ng samaan ng loob. Sa pag-ibig, makararating sa kaalaman ng kapareha ang pakikipagrelasyon sa iba kung ito ay ginawa. May paliwanagang magaganap. Lucky numbers at color of the day ang 8-24-34-40 at jade green.

GEMINI (May 21-Hun. 21) – Mali ang akala ng lahat na hindi mo dinaramdam ang mga bagay na sinasabi sa iyo o ginawa. Umaksyon. Huwag pahintulutang manatili sa dibdib ang kinikimkim na sama ng loob. Ipaglaban ang kapakanan. Maging tapat sa tunay na damdamin. Lucky numbers at color of the day ang 2-27-35-42 at orange.