Pebrero 13, 2005

AQUARIUS (Ene. 20-Peb. 18) – Ang hindi paglimot sa pagdarasal sa tuwina ay magdudulot ng magandang kapalaran sa buhay. Kailangan ngayon ang matibay na paninindigan at pagpapasya. Matutong manalig sa sariling kakayahan at pagdidesisyon. Makakakilala ng magiging bagong kaibigan. Lucky numbers at color of the day ang 15-22-33-41 at aquamarine.

PISCES (Peb. 19-Mar. 20) – Nasa trabaho ang pag-asa upang maging masagana ang buhay. Alagaan nang buong husay ang kasalukuyang trabaho. Iwasan ang mainggit sa kapwa upang hindi dumanas ng paghihirap. Iwasan din ang tsismisan. Lucky numbers at color of the day ang 7-36-40-42 at lavender.

ARIES (Mar. 21-Abr. 19) – Matutong magpahalaga sa gawain ng iba. Bawasan ang mapaghanap sa mga kasamahan o kasambahay sa mga gawain. Pagbubuhatan ng pagtatalo ang isang matagal nang isyu. Iwasan ang maging mapagpuna kung ibig lumigaya sa pag-ibig. Lucky numbers at color of the day ang 9-16-20-31 at white.

TAURUS (Abr. 20-May 20) – Katamtaman ang benta sa negosyo. Kailangan ang pagkakaisa ng pamilya. Ang pagsisikap ay maghahatid ng kaluwagan. Ang kasintahan o minamahal ay maunawain. Huwag maging mapaghanap sa mga kasamahan sa gawain o sa tahanan. Lucky numbers at color of the day ang ang 6-11-19-39 at dollar green.

GEMINI (May 21-Hun. 21) – Ang kawalang-sigla ay dahilan sa pagkakamali. Suriing mabuti bago magpahalaga ng payo. Huwag mangako at tiyak hindi matutupad. Mag-ingat sa pagkilos at pananalita upang hindi makasakit sa damdamin ng kapwa. Lucky numbers at color of the day ang 15-25-37-40 at tangerine.

CANCER (Hun. 22-Hul. 22) – Maaaring may pagtatalo sa pagitan ng mag-asawa, magkaibigan, kasamahan o magkasintahan. Pakinggan ang kutob ng kalooban at ito ang dapat gawin. Lawakan ang pang-unawa. Huwag bigyan ng puwang ang malungkot dahil sa pag-ibig. Lucky numbers at color of the day ang 8-26-28-38 at aquamarine.

LEO (Hul. 23-Ago. 22) – Isang kapatid o kamag-anak ang matutulungan. Sundin ang kutob. Iwasan ang tsismis upang hindi dumanas na mabutas ang bulsa at mabaon sa utang. Iwasan ding maglasing upang hindi masangkot sa gulo. Lucky numbers at color of the day ang 18-31-40-42 at midnight blue.

VIRGO (Ago. 23-Set. 23) – May ilang kasamahan ang maghahanap ng atensyon at pang-unawa. Makakatanggap ng sulat o tawag sa telepono mula sa kaibigan sa abroad. Ipapakilala ng kaibigan sa isang taong magiging kaugnayan sa hinaharap. Lucky numbers at color of the day ang 9-18-41-42 at pink.

LIBRA (Set. 24-Okt. 23) – Ang sipag ay magdudulot ng kasaganaan. Anumang gagawin ay may pakinabang na aanihin. Ang konsentrasyon ay dapat upang makamit ang minimithi. Magiging mapalad sa pag-ibig at pananalapi lalo na sa negosyo. Lucky numbers at color of the day ang 19-23-25-36 at sun yellow.

SCORPIO (Okt. 24-Nob. 22) – Iwasan ang mga kaibigang maluluho at tiyak mapapasubo sa malaking gastusin. Iwasan din ang maging sentimental. Sikaping maging masaya sa kabila ng kaunting suliranin. Huwag padala sa sulsol ng mga kasamahan o kaibigan. Lucky numbers at color of the day ang 1-23-25-39 at magenta.

SAGITTARIUS (Nob. 23-Dis. 21) – Huwag ipilit ang bagay na mahirap tanggapin ng nakakarami. Ang maging malihim ay tinatawag ng panahon. Ang naging suliranin sa nakaraan ay may kalutasan ngayon. Iwasang mag-init ang ulo upang hindi masira ang araw. Lucky numbers at color for the day ang 3-7-34-41 at yellow.

CAPRICORN (Dis. 22-Ene. 19) – Isang Leo ang magbibigay ng kasiglahan subalit isang Aries naman ang magbibigay ng sakit ng ulo. Ang magpakahinahon at magparaya ay sadyang tinatawag ng pagkakataon. Iwasan ang usaping negosyo at pera at tiyak walang patutunguhan. Lucky numbers at color of the day ang 18-31-34-42 at indigo.