Marso 10, 2003

PISCES (Peb. 19-Mar. 20) – Magiging masaya at masigla ang araw dahil sa pag-ibig. Tamang panahon sa night outing o pakikipag-date. Sayang nga lamang dahil malamang kapos sa panggastos. Lucky numbers at color for the day ang 14-22-36-40 at violet.

ARIES (Mar. 21-Abr. 19) – Magkakaroon ng maikling paglalakbay tungkol sa trabaho o personal. Inaayunan ng panahon at magiging positibo ang anumang lakarin ngayon. Kung ano ang nasa isip, gawin kaagad dahil kaunlaran ang naghihintay. Lucky numbers at color for the day ang 8-16-29-36 at royal blue.

TAURUS (Abr. 20-May. 20) – Maging praktikal sa kabila ng pag-aalinlangan sa dapat gawin o pangarap sa buhay. Ang hindi inaasahang darating ay maaaring kabaligtaran ang mangyari. Ang hindi sukat akalaing mangyari ay posibleng maganap. Lucky numbers at color for the day ang 15-17-23-36 at lavander.

GEMINI (May. 21-Hun. 21) – Isang Virgo o Capricorn ang magbibigay ng sorpresa, kaligayahan o tulong. Magiging masaya ang mangyayaring birthday celebration lalo kung sa sariling tahanan gaganapin kasama ang mga barkada, kaibigan at minamahal. Lucky numbers at color for the day ang 3-9-10-31 at electric blue.

CANCER (Hun. 22-Hul. 22) – Hindi normal kung walang problema sa buhay. Huwag mag-alala dahil ang taglay na problema ay may kalutasan ngayon. Ang tampuhan ng magsing-irog, kasamahan o kaanak ay parang bulang mawawala. Lucky numbers at color for the day ang 5-6-27-30 at maroon.

LEO (Hul. 23-Ago. 22) – Kasaganaan ang hatid ng signos mo. Maaaring maging masagana sa pagkain, pera o kagamitan. Posibleng walang problema at magiging maaliwalas ang buong araw. Lucky numbers at color for the day ang 4-8-23-37 at burgundy.

VIRGO (Ago. 23-Set. 23) – Upang hindi mapasubo, iwasang mapasali sa usapan ng may usapan. Makakabuti ang manahimik at makinig na lamang. Sadyang normal ang magkaroon ng suliranin dahil sa tahanan, may problemang dapat ayusin tungkol sa kasambahay o kaanak. Lucky numbers at color for the day ang 9-17-21-32 at scarlet.

LIBRA (Set. 24-Okt. 23) – Kakambal ng pag-ibig ang tiwala. Kung may pag-aalinlangan, dapat ang masinsinang komprontasyon upang matiyak na buhay pa rin o wala na ang pagtitiwala. Huwag basta maniwala sa tsismis at padala sa sulsol ng iba. Lucky numbers at color for the day ang 4-17-35-42 at yellow.

SCORPIO (Okt. 24-Nob. 22) – May hatid na suwerte ang araw sa mga Scorpio subalit dapat kumilos upang matamo ang suwerte. Kung ano ang iniisip gawin, dapat huwag mag-aksaya ng oras upang makamit ang suwerte o minimithi. Lucky numbers at color for the day ang 4-11-16-28 at peach.

SAGITTARIUS (Nob. 23-Dis. 21) – Angkop ang araw upang bawiin ang pagod ng mga nakaraang araw. Kung day-off, magiging masaya ang pananatili sa loob ng tahanan at magpahinga. Sa bandang hapon, may pagkakataong madalaw ang ilang kaanak o kaibigan. Lucky numbers at color for the day ang 1-18-28-32 at gray.

CAPRICORN (Dis. 22-Ene. 19) – Kung buo ang loob, makakamit ang ninanais lalo at kikilos kaagad. Walang makakamit na kabutihan kung magmumukmok at hindi magtitiyaga. Maaaring mabuksan ang tamang landas ng kaunlaran kung nanaisin. Lucky numbers at color for the day ang 11-20-31-45 at blue.

AQUARIUS (Ene. 20-Peb. 18) – Iwasan ang night outing o affair upang maiwasan ang hindi inaasahan. Kung magmamaneho, dobleng ingat ang dapat gawin. Kung may balak maglakbay, ipagpaliban sa ibang araw. Lucky numbers at color for the day ang 7-12-31-40 at orange.