Oktubre 17, 2002

LIBRA (Set. 24-Okt. 23) – Isang Virgo o Capricorn ang magbibigay ng sorpresa. Masaya ang birthday celebration na dadaluhan ngayon kasama ang ilang kaibigan at minamahal. Lucky numbers at color for the day ang 3-9-10-31 at electric blue.

SCORPIO (Okt. 24-Nob. 22) – Hindi normal sa tao kung walang problema. Huwag mag-alala at may kalutasan naman ang iyong mga suliranin. Ang tampuhan sa pagitan ng kaibigan o minamahal ay maglalahong parang bula. Lucky numbers at color for the day ang 5-6-27-30 at maroon.

SAGITTARIUS (Nob. 23-Dis. 21) – Maglalakbay nang maikli kaugnay sa iyong trabaho. Inaayunan ng panahon ang pag-aayos sa anumang transaksyon. Lucky numbers at color for the day ang 8-16-29-36 at royal blue.

CAPRICORN (Dis. 22-Ene. 19) – Maging realistiko at praktikal sa kabila ng pag-aalinlangan sa dapat gawin o pangarap sa buhay. Ang hindi inaasahang darating ay maaaring maganap. Lucky numbers at color for the day ang 15-17-23-26 at lavander.

AQUARIUS (Ene. 20-Peb. 18) – Kakambal ng pagmamahal ang tiwala. Kung sisibol ang pagdududa, dapat lamang ang masinsinang komprontasyon upang matiyak na buhay pa rin ang tiwala. Huwag basta maniwala sa tsismis at sulsol ng iba. Lucky numbers at color for the day ang 4-17-35-42 at yellow.

PISCES (Peb. 19-Mar. 20) – May hatid na suwerte ang araw subalit dapat kumilos upang matamo ito. Kung anuman ang iniisip na gawin, hindi dapat mag-aksaya ng panahon upang makamit ang minimithi. Lucky numbers at color for the day ang 4-11-16-28 at peach.

ARIES (Mar. 21-Abr. 19) – Kasaganaan ang hatid ng signos mo ngayon. Maaaring walang problema at maging maaliwalas ang buong araw subalit dapat paghandaan ang darating na mga bukas. Lucky numbers at color for the day ang 4-8-23-37 at burgundy.

TAURUS (Abr. 20-May. 20) – Upang hindi mapasubo, iwasang mapasali sa usapan ng may usapan. Makabubuti ang manahimik at makinig na lamang. Sadyang normal ang magkaroon ng suliranin dahil sa tahanan ay may problemang dapat isaayos. Lucky numbers at color for the day ang 9-17-21-32 at scarlet.

GEMINI (May. 21-Hun. 21) – Dapat na iwasan ang mga night outing o affair upang makaiwas sa disgrasya. Kung may balak na maglakbay, ito ay dapat na ipagpaliban. Nasa signos mo ngayon ang malapit sa kapahamakan. Lucky numbers at color for the day ang 7-12-31-40 at orange.

CANCER (Hun. 22-Hul. 22) – Magiging masaya ang araw dahil inspirado ka. Naaayon din ang pamamasyal o paglilibang kasama ang minamahal. Sayang nga lamang at medyo kapos ka sa panggastos kaya konting tipid. Lucky numbers at color for the day ang 14-22-36-40 at violet.

LEO (Hul. 23-Ago. 22) – Angkop ang araw upang mabawi ang kapaguran ng mga nakaraang araw. Manatili na lamang sa tahanan at magpahinga at sa bandang hapon ay lumabas o mamasyal kasama ang pamilya. Lucky numbers at color for the day ang 1-18-28-32 at gray.

VIRGO (Ago. 23-Set. 23) – Makakamit ang ninanais kung kikilos at ipaiiral ang sipag at tiyaga. Walang makakamit na kabutihan kung magmumukmok lamang sa isang tabi. Maaaring buksan ang tamang landas ng kaunlaran sa buhay kung nanaisin. Lucky numbers at color for the day ang 11-20-31-45 at blue.