Pebrero 13, 2002

AQUARIUS (Ene. 20-Peb. 18) – Ang positibong pananaw sa buhay ay tamang landas sa kaunlaran. Taglayin ang kahinahunan sa anumang sitwasyon. May hatid ng pakikipagsapalaran ang araw. Lucky numbers at color for the day ang 8-27-36-41 at coral pink.

PISCES (Peb. 19-Mar. 20) – Pag-ibayuhin ang pansin sa pagkikipag-ugnayan sa sulat o anumang uri ng komunikasyon. May hadlang sa paglalakbay at hindi dapat pilitin ang sarili. Pabagu-bago ang mga bagay na may kinalaman sa pananalapi. Lucky numbers at color for the day ang 1-24-27-35 at jade green.

ARIES (Mar. 21-Abr. 19) – Maraming daan patungo sa tagumpay at ang pinakamabisa ay dalangin at pag-asa. Huwag magmadali at matatamo na ang hinahangad. Hindi napapanahon ang mapang-aliw na paglalakbay. Mabibigyang-kasiyahan ang pamilya. Lucky numbers at color for the day ang 7-10-21-30 at peach.

TAURUS (Abr. 20-May. 20) – May pagkasensitibo ang mga taong makakaugnay kaya hinahon at pasensya ang dapat. Sundin ang kutob sa mahinahong paraan at tiyak hindi magkakamali. Lucky numbers at color for the day ang 2-11-22-34 at sky blue.

GEMINI (May. 21-Hun. 21) – May pagkasensitibo ang sikmura kaya iwasan ang maaasim na pagkain at mamantika. Ibatay ang anumang aktibidad sa kakayahan ng kalusugan. Nararapat lamang iwasan ang maluluhong barkada. Lucky numbers at color for the day ang 12-15-23-40 at avocado green.

CANCER (Hun. 22-Hul. 22) – Huwag kaligtaan ang mga bagay na makapagbibigay-ginhawa sa sarili at kapareha. Mag-ingat sa kilos at pananalita nang walang masaktan. Naaayon ang araw sa paglilibang at pakikipagsosyalan. Lucky numbers at color for the day ang 6-18-21-29 at navy blue.

LEO (Hul. 23-Ago. 22) – Handang magbigay ng tulong ang kaanak kung kakailanganin ito. Ang tipanan sa pag-ibig ay magiging masaya. Akay ka ng masuwerteng kapalaran sa negosyo. Tiyaking ang hinahangad ay kayang isakatuparan. Lucky numbers at color for the day ang 18-30-33-41 at yellow.

VIRGO (Ago. 23-Set. 23) – Ang pangunahing suliranin ay pera at ito ay malulusutan kung malinis ang hangarin sa paggagamitan. Ang taimtim na pagdarasal ay magbibigay-liwanag sa landas ng pangangailangan. Unawain ang iba. Lucky numbers at color for the day ang 2-14-22-36 at emerald green.

LIBRA (Set. 24-Okt. 23) – Ang payo ng magulang ay dapat sundin. Tamang paghihigpit at disiplina ang dapat ipairal sa nakababatang kaanak. Maging handa sa biglaang pagbabago sa takbo ng buhay. Magiging magaan ang pasok ng pera sa negosyo. Lucky numbers at color for the day ang 6-16-25-40 at scarlet.

SCORPIO (Okt. 24-Nob. 22) – Ang hindi inaasahang okasyon ang magbibigay ng magandang landas sa kaunlaran. Matutong umunawa kahit masakit sa kalooban. Ipagpaliban ang pagbabago ng ayos ng bahay. Iwasan ang mga tsismosa. Lucky numbers at color for the day ang 5-16-29-34 at white.

SAGITTARIUS (Nob. 23-Dis. 21) – Huwag basta maniwala sa payo ng iba dahil may payong lalong makakasama at mayroon ding makakabuti. Matiwasay na maisasakatuparan ang mga binabalak kung kikilos kaagad at walang oras na sasayangin. Lucky numbers at color for the day ang 3-11-30-42 at rainbow.

CAPRICORN (Dis. 22-Ene. 19) – Sundin ang bulong ng isip at damdamin. Iwasan ang maging mapagpuna nang wala sa lugar. Sikaping mapanatili ang harmonya sa loob ng tahanan o pinapasukan. Maipapamalas ang kakayahan at marami ang hahanga. Lucky numbers at color for the day ang 3-11-30-42 at rainbow.